Valyuta məzənnəsi
Xəbər lentİ

"Şahdağ" Turizm Mərkəzindəki xoşagəlməz halla bağlı qərar qəbul edildi

10:54, 21.12.17
azerbaycan, cemiyyet
"Şahdağ" Turizm Mərkəzindəki xoşagəlməz halla bağlı qərar qəbul edildi

Azərbaycan Turizm Assosiasiyasında (AZTA) turizm şirkətləri ilə "Şahdağ" Turizm Mərkəzi arasında görüş keçirilib.

AZTA-dan Milli.Az-a verilən məlumata görə, görüşdə keçən həftə "Şahdağ" Turizm Mərkəzində baş vermiş izdihamla bağlı problemlər və AZTA-nın təklif etdiyi koordinasiya metodu ilə birgə tənzimləmə yolları müzakirə olunub. Turizm mərkəzi ilə əməkdaşlıq şərtləri və güzəştləri haqqında razılığa gəlinib.
Bundan başqa AZTA Şahdağ turlarının təşkili ilə bağlı özündə bir sıra xidmət keyfiyyəti standartını əks etdirən tövsiyə xarakterli anlaşma sənədinin ilkin versiyasını turizm şirkətlərinin diqqətinə çatdırıb.

Sonda bütün razılaşdırılmış şərtlərin icra edilməsi üçün AZTA-nın Gəlmə Turizm Komitəsi nəzdində turizm şirkətləri arasından səsvermə yolu ilə 5-7 nəfərlik komissiyanın yaradılması haqqında qərar verilib.

Qeyd edək ki, dekabrın 16-da qış mövsümünün açılışı zamanı "Şahdağ" Turizm Mərkəzində minlərlə şəxs kanat yoluna növbədə gözləyərkən izdiham və sıxlıq yaşanıb, nəticədə xoşagəlməz insident baş verib.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla