Azərbaycan regional tranzit mərkəzinə çevrilir - Ramin Quluzadə

Bu gün Azərbaycan həm logistika, həm də informasiya mübadiləsi sahəsində regional tranzit mərkəzinə çevrilir.

Xeberpress.az-ın Trend-ə istinadən məlumatına görə, bunu nəqliyyat, rabitə və yüksək texnologiyalar naziri Ramin Quluzadə "BakuTel - 2017" 23-cü Beynəlxalq “Telekommunikasiya və informasiya texnologiyaları” sərgisinin açılışında çıxışı zamanı deyib.

Nazir qeyd edib ki, bu gün Azərbaycan tranzit regional informasiya magistralının tikintisi üzrə davamlı işlər aparır: "Sərgi-konfrans çərçivəsində aparılan danışıqlar, keçirilən görüşlər İKT sektorunun inkişafına öz töhfəsini verəcək".

R.Quluzadə xatırladıb ki, bu tədbir artıq 23 ildir keçirilir: "BakuTel" bu sahədə çalışan insanları birləşdirən mühüm hadisədir. Sərgi-konfrans aparıcı biznes rəhbərlərinin və mütəxəssislərin görüş yeridir. Tədbirdə bu sektorun gələcək inkişafına dair mühüm qərarlar qəbul olunur".

Nazir əlavə edib ki, sərgidə yeni startap layihələri də nümayiş olunacaq.

09:09, 23.04.18

AŞPA-nın yaz sessiyası bu gün başlayır...

12:05, 23.06.20

Dövlət Agentliyindən XƏBƏRDARLIQ...

09:42, 04.04.17

Binəqədi rayonunun şəhidi Fəxrəddin Qurbanlının anım...