Valyuta məzənnəsi
Xəbər lentİ

"Biz tələb edirik ki, Dağlıq Qarabağ danışıqlarında konkret nəticələr olsun" - Nazir

13:53, 15.11.17
azerbaycan, siyaset
"Biz tələb edirik ki, Dağlıq Qarabağ danışıqlarında konkret nəticələr olsun" - Nazir

"Bu gün axşam Moskvaya yola düşürəm. Sabah həmsədrlərlə görüş olacaq".

Xeberpress.az-ın APA-ya istinadən məlumatına görə, bunu xarici işlər naziri Elmar Məmmədyarov Braziliyanın xarici əlaqələr naziri Aloyzio Nunyes Ferreira ilə Bakıda görüşdən sonra keçirilən mətbuat konfransında deyib.

Nazir bildirib ki, Rusiyanın xarici işlər naziri Sergey Lavrov isə noyabrın 19-20-də Bakıda səfərdə olacaq.

"Müzakirə olunacaq məsələlər masa üstündədir. Biz istəyirik ki, danışıqlar naminə danışıqlar aparılmasın. Hətta tələb edirik ki, konkret nəticələr olsun. Prezidentlərin görüşündə də qeyd edildi ki, danışıqlar intensiv xarakter alsın. Bu mövqe ilə Moskvaya gedirəm.

Münaqişənin həllinin vaxtı çatıb. Hamı bilir ki, danışıqlar nəticəli olmalı, məcburi köçkünlər geri qaytarılmalı və sülh bərpa olmalıdır. Azərbaycan təkid edir ki, məsələni yerindən tərpədək".

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla