Valyuta məzənnəsi
Xəbər lentİ

“Neftçi” “Qarabağ”a qalib gəlib.

09:53, 30.11.15
azerbaycan, idman
“Neftçi”  “Qarabağ”a qalib gəlib.

Noyabrın 29-da Topaz Premyer Liqasında 14-cü tur çərçivəsində daha bir oyun keçirilib.

“Neftçi” doğma meydanda əzəli rəqibi “Qarabağ”ı qəbul edib. Rəqiblərin cari mövsümdəki ilk duelindən fərqli olaraq bu görüşdə “Neftçi” Azərbaycan çempionunu minimal hesabla məğlub edib - 1:0.

Bu, “ağ-qaralar”ın “Qarabağ” üzərində doqquz oyunluq fasilədən sonra ilk qələbəsidir. Bu məğlubiyyət, həmçinin “Qarabağ”ın cari mövsümdə ikinci uğursuzluğudur.

Yeni baş məşqçi Əsgər Abdullayevin rəhbərlik etdiyi flaqmana qələbə gətirən qolu 65-ci dəqiqədə Rəhman Hacıyev vurub. O, cərimə zərbəsindən topu doqquzluğa göndərərək hesabı açıb.

Beləliklə, hazırda Azərbaycan çempionu 32 xalla turnir cədvəlinə başçılıq edir. Paytaxt təmsilçisi isə xalını 19-a çatdıraraq altıncı sırada mövqeyini möhkəmləndirib.

Tura noyabrın 30-da keçiriləcək “Qəbələ” – “Rəvan” matçı ilə yekun vurulacaq.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla