Valyuta məzənnəsi
Xəbər lentİ

Beynəlxalq Miqrasiya Təşkilatının İnkişaf Fondunun nümayəndəsi ilə görüş

11:47, 27.07.22
azerbaycan, cemiyyet
Beynəlxalq Miqrasiya Təşkilatının İnkişaf Fondunun nümayəndəsi ilə görüş

Dövlət Miqrasiya Xidmətində Beynəlxalq Miqrasiya Təşkilatının İnkişaf Fondunun nümayəndəsi ilə görüş keçirilib.

Xeberpress.az DMX-nin məlumatına əsasən bildirir ki, Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Vüsal Hüseynov Beynəlxalq Miqrasiya Təşkilatının (BMqT) Azərbaycan Respublikasındakı Nümayəndəliyinin rəhbəri Vladimir Qyorqiyev və təşkilatın İnkişaf Fondunun məsul nümayəndəsi Alesiya Kastelfranko ilə görüşüb.

Dövlət Miqrasiya Xidmətinin Beynəlxalq Miqrasiya Təşkilatı ilə miqrasiya idarəçiliyinin müxtəlif istiqamətlərində sıx əməkdaşlıq etdiyini qeyd edən Xidmət rəisi BMqT ilə hazırda həyata keçirilən beynəlxalq layihələrin bu əməkdaşlıqda önəmli rol oynadığını bildirib. Vüsal Hüseynov BMqT ilə əməkdaşlıq şəraitində 4 beynəlxalq layihə ilə bağlı fəaliyyətin uğurla icra olunduğunu diqqətə çatdırıb. Bu layihələrdən “Azərbaycanda Miqrasiya üzrə Regional Təlim Mərkəzinin yaradılmasına dəstək” layihəsinin xüsusilə önəm kəsb etdiyini vurğulayıb. Xidmət rəisi qeyd edilən layihə çərçivəsində regional səviyyədə həyata keçirilmiş tədbirlərin və əldə olunmuş nəticələrin Miqrasiya üzrə Regional Təlim Mərkəzinin yaradılması istiqamətində fəaliyyətin daha da genişləndirilməsinə şərait yaratdığını qeyd edib.

Səmimi görüş üçün təşəkkürünü bildirən BMqT-nin İnkişaf Fondunun rəsmisi Alessia Kastelfranko Fondun maliyyə dəstəyi əsasında həyata keçirilən layihə çərçivəsində görülən işlərin yüksək qiymətləndirildiyini və tezliklə layihənin əsas məqsədinə nail olunmasına əminliyini vurğulayıb.

Görüşdə qarşılıqlı maraq doğuran digər məsələlər ətrafında müzakirələr aparılıb.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla