Valyuta məzənnəsi

Putin və Tramp arasında telefon danışığı olub

09:21, 15.11.16
azerbaycan, siyaset
Putin və Tramp arasında telefon danışığı olub

Rusiya prezidenti Vladimir Putin və ABŞ-ın yeni seçilən prezidenti Donald Tramp arasında telefon danışığı olub.

Xeberpress.az APA-ya istinadən xəbər verir ki, bu barədə Kremlin məlumatında deyilir.

Rusiya lideri prezident seçkilərində qazandığı qələbə münasibətilə həmsöhbətini təbrik edib və seçkiqabağı proqramının həyata keçirilməsində ona uğurlar arzulayıb.

Putin yeni ABŞ administrasiyası ilə siyasi dialoqu bərabərlik, qarşılıqlı hörmət və bir-birilərinin işinə müdaxilə etməmək prinsipləri şərti ilə qurmağa hazır olduğunu bildirib.

Söhbət zamanı Putin və Tramp Rusiya-ABŞ münasibətlərinin hazırkı durumunu qeyri-qənaətbəxş hesab edərək, münasibətlərin normallaşdırılması və konstruktiv əməkdaşlıq istiqaməti üzrə yönəldilməsinin vacibliyini vurğulayıblar.

"Putin və Tramp ümumi düşmən olan beynəlxalq terrorizm və ekstremizmə qarşı səylərin birləşdirilməsinin zəruriliyini qeyd ediblər. Bu baxımdan Suriya böhranının nizamlanması məsələləri müzakirə olunub. Gələcəkdə əlaqələrin telefon vasitəsi ilə davam etdirilməsi nəzərdə tutulub. Şəxsi görüşün hazırlanması üçün hər iki tərəfin nümayəndələrinə tapşırıqlar verilib", Kremlin məlumatında deyilir.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla