Valyuta məzənnəsi
Xəbər lentİ

“Avro-2020”-nin yarımfinal mərhələsinin ilk oyunu keçiriləcək

10:53, 06.07.21
azerbaycan, idman
“Avro-2020”-nin yarımfinal mərhələsinin ilk oyunu keçiriləcək

İyulun 6-da futbol üzrə 16-cı Avropa çempionatının yarımfinal mərhələsinin ilk oyunu keçiriləcək.

Xeberpress.az xəbər verir ki, Londonun “Uembli” stadionunda keçiriləcək birinci yarımfinal matçında çempionatın favoritlərindən hesab olunan İtaliya və İspaniya yığmaları qarşılaşacaqlar. Bakı vaxtı ilə saat 23:00-da başlayacaq matçı almaniyalı referi Feliks Brix idarə edəcək.

Yarımfinal mərhələsinin digər oyununda isə İngiltərə və Danimarka milliləri qarşılaşacaqlar.

Turnirdə son dərəcə inamlı oyun nümayiş etdirən İtaliya yığması A qrupunda rəqiblərini – Türkiyə (3:0), İsveçrə (3:0) və Uels (1:0) seçmələrini məğlub edərək səkkizdəbir finala yüksəlib. Apennin təmsilçisi səkkizdəbir finalda Avstriyanı (2:1, əsas vaxt 0:0), dörddəbir finalda isə turnirin ən güclülərindən olan Belçikanı (2:1) mübarizədən kənarlaşdırıb.

Yer aldığı D qrupunda İsveç (0:0) və Polşa (1:1) heç-heçə edən İspaniya sonuncu görüşdə Slovakiyanın qapısından 5 cavabsız top keçirib. Üçqat Avropa çempionları səkkizdəbir finalda Xorvatiyanı (5:3, əsas vaxt 3:3), Avstriyanı (1:1, penalti 3:1) məğlub edərək finala yüksəlib.

İtaliya və İspaniya seçmələri indiyədək müxtəlif turnirlərdə 36 dəfə qarşılaşıblar. Bu görüşlərin 11-də İtaliya, 12-də isə İspaniya qalib gəlib, 13 görüş heç-heçə başa çatıb. Top nisbətində də İtaliya yığmasının cüzi üstünlüyü var – 43:40.

“Avro-2020”nin final matçı iyulun 11-də “Uembli” stadionunda keçiriləcək.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla