Valyuta məzənnəsi

Azərbaycanla Ukraynanın ticarət dövriyyəsi 765 milyon dolları ötür

11:55, 19.12.19
azerbaycan, iqtisadiyyat
Azərbaycanla Ukraynanın ticarət dövriyyəsi 765 milyon dolları ötür

Azərbaycanla Ukraynanın ticarət dövriyyəsi 765 milyon dolları ötüb.

Cari ilin 11 ayında Azərbaycan və Ukrayna arasında ticarət dövriyyəsi 765 milyon dolları keçib ki, bu da ötən ilin müvafiq dövrü ilə müqayisədə 40 milyon dollar çoxdur.

Xeberpress.az-ın məlumatına görə, Ukrayna Dövlət Statistika Komitəsindən AZƏRTAC-a bildirilib ki, yanvar-noyabr aylarında Azərbaycandan bu ölkəyə 429,9 milyon dollarlıq məhsul ixrac olunub. Hesabat dövründə Azərbaycanın Ukraynadan idxal etdiyi məhsulun dəyəri isə 334,1 milyon dollar təşkil edib.

Qeyd edək ki, postsovet məkanında Ukrayna Azərbaycanla ticarət dövriyyəsinin həcminə görə Rusiyadan sonra ikincidir. Keçən il Azərbaycanla Ukraynanın ticarət dövriyyəsi 829 milyon dollara çatıb ki, bu da əvvəlki illə müqayisədə 18 milyon dollar çox olub. Ötən il iki ölkə arasındakı ticarət dövriyyəsində son 5 ilin ən böyük göstəricisi qeydə alınıb.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla