Valyuta məzənnəsi
Xəbər lentİ

Peşə təhsili müəssisələrinə qeydiyyat bu gün yekunlaşır

11:41, 10.09.19
azerbaycan, cemiyyet
Peşə təhsili müəssisələrinə qeydiyyat bu gün yekunlaşır

Bu gün peşə təhsili müəssisələrinə qəbul olunanların qeydiyyatı başa çatır.

Bu gün 2019-2020-ci tədris ili üzrə peşə təhsili müəssisələrinə sənəd qəbulunun ikinci mərhələsindən uğurla keçənlərin qeydiyyatı başa çatır.

Xeberpress.az-ın məlumatına görə, Peşə Təhsili üzrə Dövlət Agentliyindən bildirilib ki, ikinci turda ixtisas seçimindən müvəffəqiyyətlə keçən şəxslər təhsil haqqında sənədin əslini, tibbi arayış, şəxsiyyət vəsiqəsinin surətini, 3x4 sm ölçüdə 4 ədəd fotoşəkil, hərbi mükəlləfiyyət barədə sənədi (hərbi mükəlləfiyyətlilər) qəbul olunduqları peşə təhsili müəssisəsinə təqdim etməlidirlər.

Xatırladaq ki, peşə təhsili müəssisələrinə sənəd qəbulunun ikinci turu avqustun 28-dən sentyabrın 5-dək davam edib. İkinci mərhələdə 5 min 500-ə qədər namizəd qeydiyyatdan keçib, onlardan 3 min 754 nəfəri peşə təhsili müəssisələrinə qəbul olunub.

Sənəd qəbulu “ASAN xidmət” mərkəzlərində, belə mərkəzlərin fəaliyyət göstərmədiyi şəhər və rayonlar üzrə isə müvafiq peşə təhsili müəssisələrində ödənişsiz şəkildə və elektron qaydada həyata keçirilib. Qəbul şəhadətnamə və ya attestat əsasında müvafiq fənlərin orta balı nəzərə alınmaqla müsabiqə yolu ilə olub. Əlil şəxslərin, həmçinin valideynlərini itirmiş və ya valideyn himayəsindən məhrum olmuş uşaqların qəbulu müsabiqədənkənar aparılıb.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla