Valyuta məzənnəsi
Xəbər lentİ

YAP-ın İcra katibinin müavini müxalifəti də qanvermə aksiyalarında iştirak etməyə dəvət etdi

11:44, 06.09.19
azerbaycan, siyaset
YAP-ın İcra katibinin müavini müxalifəti də qanvermə aksiyalarında iştirak etməyə dəvət etdi

Siyavuş Novruzov: Müxalifət nə ağac əkir, nə qan verir, addımları ancaq söyüş və təhqirdən ibarətdir.

Məhərrəmlikdə insanlar özlərinə zəncir vurmaqdansa, qanvermə aksiyasında iştirak etsələr, daha yaxşı olar.

Bunu Yeni Azərbaycan Partiyasının İcra katibinin müavini Siyavuş Novruzov jutrnalistlərə deyib.

S.Novruzov biĺdirib ki, bəzi insanlar müəyyən xəstəliklərdən əziyyət çəkdiyi üçün qana ehtiyac duyur: "Qan verməklə biz o insanlara kömək etmiş olarıq. Hakim Yeni Azərbaycan Partiyası hər ilə belə aksiyalar keçirir".

Millət vəkili insanları Aşura günündə məscidlərdə qan verməyə səsləyib: "Özünü döymək, baş yarmaq hallarına yol verməsinlər".

S.Novruzov müxalifəti də bu cür aksiyalarda iştirak etməyə dəvət edib. O bildirib ki, müxalifət nə ağac əkir, nə qan verir: "Onların addımları ancaq söyüş və təhqirdən ibarətdir. Mən həmin siyasi təşkilatları da qanvermə aksiyasında iştirak etməyə dəvət edirəm. Gəlsinlər, qan versinlər".

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla