Valyuta məzənnəsi
Xəbər lentİ
 14:34  Sabahın HAVASI

Nazir Ramin Quluzadə Rusiyada səfərdə olub - FOTO

14:59, 27.05.19
azerbaycan, iqtisadiyyat
Nazir Ramin Quluzadə Rusiyada səfərdə olub - FOTO

Nəqliyyat, Rabitə və Yüksək Texnologiyalar naziri Ramin Quluzadə Rusiyada səfərdə olub

Azərbaycan Respublikasının Nəqliyyat, Rabitə və Yüksək Texnologiyalar naziri Ramin Quluzadənin rəhbərlik etdiyi nümayəndə heyəti Rusiyada səfərdə olub.

Xeberpress.az xəbər verir ki, səfər çərçivəsində nazir Ramin Quluzadə Rusiya Federasiyasının Nəqliyyat naziri Yevgeni Ditrix ilə ikitərəfli görüş keçirib.

Moskva şəhərində baş tutan görüşdə Azərbaycanla Rusiya arasında nəqliyyat və logistika sahəsində əməkdaşlığın cari vəziyyəti və perspektivləri, eləcə də Şimal-Cənub Beynəlxalq Nəqliyyat Dəhlizi vasitəsilə tranzit yükdaşımalarının həcminin artırılması istiqamətində görüləcək tədbirlər barədə fikir mübadiləsi aparılıb.

Nümayəndə heyətləri Azərbaycan-Rusiya dövlət sərhədindən “Samur” (Azərbaycan) – “Yaraq-Qazmalar” (Rusiya) buraxılış məntəqələri ərazisində Samur çayı üzərində tikilən körpünün istismara verildikdən sonra istifadəsi və “Platon” sistemi haqqında danışıqlar aparıb.

Eyni zamanda, Xəzər dənizində birgə xilasetmə işlərinin təşkil olunması, hava daşımalarında və nəqliyyatın rəqəmsallaşdırılması sahəsində əməkdaşlığın genişləndirilməsi müzakirə edilib.

Tərəflər İran, Azərbaycan və Rusiya arasında yükdaşımalarının tənzimlənməsi ilə bağlı işçi qrupunun danışıqlar aparması və sənədlərin hazırlanması barədə də razılığa gəlib.

Nazir Ramin Quluzadə Rusiyada səfərdə olub - FOTO
Nazir Ramin Quluzadə Rusiyada səfərdə olub - FOTO
Nazir Ramin Quluzadə Rusiyada səfərdə olub - FOTO

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla