Valyuta məzənnəsi
Xəbər lentİ

Bu gün AŞPA-nın yaz sessiyası işə başlayıb

14:37, 08.04.19
azerbaycan, siyaset
Bu gün AŞPA-nın yaz sessiyası işə başlayıb

Bu gün AŞPA-nın yaz sessiyası öz işinə başlayıb

Aprelin 8-də Strasburqda Avropa Şurası Parlament Assambleyasının (AŞPA) yaz sessiyası işə başlayıb.

Xeberpress.az AZƏRTAC-a istinadla xəbər verir ki, Milli Məclisin beynəlxalq münasibətlər və parlamentlərarası əlaqələr komitəsinin sədri, AŞPA-da daimi nümayəndə heyətimizin rəhbəri Səməd Seyidovun başçılıq etdiyi deputat qrupu sessiyada iştirak edir.

Sessiyada Assambleyanın Bürosunun və Daimi Komitəsinin hesabatları, eləcə də Moldovada keçirilmiş parlament seçkilərinin nəticələri dinləniləcək. İdmanda nifrətə qızışdırıcı söz və aktların qarşısının alınması və bu istiqamətdə siyasi liderlərin rolu, Avropa Şurasında büdcə böhranı, BMT ilə əməkdaşlığın möhkəmləndirilməsi və davamlı inkişaf məqsədlərinin həyata keçirilməsinə dair müzakirələr aparılacaq.

Avropa Şurası Nazirlər Komitəsinin sədri qismində Finlandiyanın xarici işlər naziri Timo Soininin çıxışı, Avropa Şurasının insan hüquqları üzrə komissarı Dunya Miyatoviçin illik hesabatı dinləniləcək. Mərakeş parlamenti ilə əməkdaşlıq, cinayətkarlıq, korrupsiya və çirkli pulların yuyulmasına dair beynəlxalq mübarizədə yeni çağırışlar, sosial media, ictimai mövzular və insan hüquqları üçün təhdidlər kimi mövzularla bağlı fikir mübadiləsi aparılacaq.

Sessiya çərçivəsində aprelin 9-da Azərbaycanın AŞPA-dakı nümayəndə heyətinin və AŞPA yanında daimi nümayəndəliyimizin təşkilatçılığı ilə “Azərbaycanın işğal olunmuş ərazilərində və onlara münasibətdə qanunsuz fəaliyyətlər: Avropa Şurası qarşısında götürülmüş öhdəliklər baxımından nəticələr” mövzusunda tədbir keçiriləcək.

Milli Məclisin deputatları gündəlikdəki məsələlərlə bağlı çıxışlar edəcək, müzakirələrə qoşularaq fikirlərini bildirəcəklər.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla