Valyuta məzənnəsi
Xəbər lentİ

Balaca idmançımızın böyük qələbəsi

14:10, 02.10.18
azerbaycan, idman
Balaca idmançımızın böyük qələbəsi

Balaca gimnast Mina Abbasovanın Xorvatiyada böyük qələbəsi

Xorvatiyanın Zadar şəhərində Xorvatiya Bədii Gimnastika Federasiyasının dəstəyi ilə Bədii Gimnastika üzrə Beynəlxalq “Sirena kuboku – 2018” yarışı keçirilib.

Xeberpress.az AZƏRTAC-a istinadla xəbər verir ki, yarışda Macarıstan, Ukrayna, Çexiya, Slovakiya, Sloveniya, Bolqarıstan, Avstriya və digər ölkələrin 30-dan çox komanda mübarizə aparıb. Bu turnirdə Azərbaycanı həmyerlimiz, səkkiz yaşlı gimnast - Mina Abbasova təmsil edib. Böyük rəqib ordusunun olmasına baxmayaraq o, gimnastlar arasında fərdi yarışlarda fəxri kürsünün ən yüksək pilləsinə qalxmağa nail olub. Belə ki, istedadlı gimnastımız tam xal hesabı ilə birinciliyi əldə edərək bir ay ərzində dördüncü qızıl medalını qazanıb.

Qeyd edək ki, Mina Abbasova artıq üç ildir ki, Budapeşt şəhərində fəaliyyət göstərən, Beynəlxalq kateqoriyalı hakim Lyubov Bernat ve Inga Mackusun rəhbərlik etdiyi “Rus RG Sport” klubunun üzvüdür. O, beş yaşından başlayaraq iştirak etdiyi beynəlxalq yarışlarda müvəqqəti yaşadığı ölkəni – Macarıstanı təmsil etsə də, bu ilin avqustundan etibarən Budapeştdə keçirilən XVII ənənəvi “Gracia” kuboku turnirindən başlayaraq Azərbaycan bayrağı altında çıxış edir. Səkkiz yaşlı çempion ötən ay İtaliyada keçirilən yarışlarda da ölkəmizi təmsil edib və iki qızıl, bir gümüş medal qazanıb. Balaca qəlbində böyük vətən sevgisi daşıyan, istedadlı gimnastımız Mina Abbasovanın arzu-istəyini, qazandığı uğurları nəzərə alaraq, yarışlarda Azərbaycanı təmsil etməsi üçün ona icazə veriblər.

Fikirlər

 Oxşar xəbərlər: 

"Xeberpress.az"-ı Facebookda izləyin

Zəhmət olmasa 10 saniyə gozləyin Bağla